जितक्या काही भाषा मी जाणतो
त्या सर्व मी आजमावून पाहिल्यात
ईश्वराला त्यातली एकही समजली नाही अद्याप
तो ना मान हलवत ना हुंकार भरत
वाटलं कदाचित देवदूतांकरवी तरी तो वाचून घेईल
चंद्राच्या पाटीवर कधी गालिबचा शेर लिहून ठेवला मी
तो धुवून टाकतो किंवा कुरतडून खाऊन तरी टाकतो
शिकला सवरला असता जर आपला ईश्वर
प्रेमाच्या गप्पागोष्टी नाही तरी किमान
पत्रांची देवाण घेवाण तरी शक्य झाली असती
(हिंदीतूनअनुवादित)